Тут быў Вайцюшкевіч

Красавік 8, 2009, Ул.інф.

У Маладэчанскім драмтэатры 3 красавіка адбыўся канцэрт Зміцера Вайцюшкевіча.
Імпрэза была часткай усебеларускага турнэ музыканта, арганізаванага кампаніяй “Будзьма!”.
Мерапрыемства сабрала больш за сотню гледачоў з Маладэчна і бліжэйшых вёсак і гарадоў - Краснага, Аляхновічаў, Ашмянаў, Залесся.
Зміцер выконваў творы з розных альбомаў і на розных мовах. Гучалі песні на вершы Някляева, Броўкі, Барадуліна, Маякоўскага і іншых выбітных паэтаў. Многія песні Зміцер спяваў разам з усёй залай.
Гледачы доўга не жадалі развітвацца з артыстам, выклікалі на “біс” – канцэрт доўжыўся больш за дзьве гадзіны.