2-е тысячагоддзе да н.э. – На тэрыторыі Маладэчаншыны жылі плямёны археалагічнай культуры шнуравай керамікі.
Да 5-6 стагоддзяў – пачалося рассяленне балцкіх плямёнаў. Прамежкавае становішча тэрыторыі сучаснай Маладэчаншчыны было пад уплывам культуры суседніх плямёнаў.
6-9 стагоддзі – Ствараліся племянныя саюзы. Жылі славянскія плямёны крывічоў.
10-13 стагоддзі – Маладэчанскія землі ўваходзілі ў склад Полацкага княства і складалі яго ўскраіну.
1387 г., 25 красавіка – Упершыню ўзгадваецца Лебедзева.
1388 г., 16 снежня – Упершыню ўзгадваецца Маладэчна.
1433 г. – Упершыню ўзгадваюцца вёскі Палачаны, Груздава, Капачы.
Паміж вёскамі Капачы і Груздава (каля Палачан) адбылася бітва паміж войскамі літоўскіх князёў Свідрыгайлы і Жыгімонта Кейстутавіча.
Згодна падання, смаленскі князь Андрэй Саковіч пабудуваў Груздаўскую царкву.
Узведзены касцёл у в. Аборак.
1437 г. – упершыню ўзгадваецца Хоўхлава.
1476 г. – Узведзены храм у Лебедзеве.
1495 г.– Упершыню ўзгадваецца Маркава.
1503 г. – Упершыню ўзгадваецца Краснае.
1511 г., ліпень – Вялікі князь літоўскі Жыгімонт І Стары зацвердзіў грамату Міхаілу Мсціслаўскаму на двор Маладэчна.
1529 г. – Упершыню ўзгадваецца Асавец.
1532 г. – Упершыню ўзгадваецца Насілава.
1567 г. – У час Лівонскай вайны ў Маладэчне ішлі перагаворы паміж Полшчай і ВКЛ аб заключэнні дзяржаўнай уніі, падпісанне якой адбылося на сейме ў Любліне ў 1569 г.
1568 г. – Вялікі князь ВКЛ і кароль польскі Жыгімонт ІІ Аўгуст з 40-тысячным войскам выступіў пад Радашковічы, каб спыніць паход Івана ІV Жахлівага. Бітвы не адбылося. Пастаяўшы некалькі дзён, абодва бакі адвялі свае войскі на зыходныя пазіцыі і заключылі перамір’е.
1569 г., чэрвень – Радашковічы атрымалі магдэбургскае права. Дакумент, падпісаны Жыгімонтам ІІ Аўгустам, зафіксаваў, што “на той час Радашковічы былі местам”, г.зн. горадам.
Сярэдзіна 1560-х гадоў – у Хоўхлаве жыў і працаваў Сымон Будны.
16 ст. – Радашковічы лічыліся каралеўскім уладаннем.
1636 г. – Упершыню ўзгадваюцца Выверы.
1654 г. – Пачалася руска-польская вайна, падзеі якой закранулі тэрыторыю Маладэчанскага краю. Радашкавічы, а таксама большасць населеных пунктаў Маладэчаншчыны поўнасцю знішчаны.
1667 г. – Упершыню ўзгадваецца Раёўшчына.
1708 г. – Каля Маладэчна, Лебедзева, Маркава, Насілава, Радашковічаў кватараваліся галоўныя сілы 35-тысячнай шведскай арміі. Вясной у Радашковічах адбыліся перагаворы паміж шведскім каралём Карлам ХІІ і польскім каралём і вялікім князем літоўскім Станіславам Ляшчынскім.
1740 г., 14 лістапада – Кароль Рэчы Паспалітай Аўгуст ІІІ даў прывілей на правядзенне ў Маладэчне двух рынкаў у тыдзень (пятніца, нядзеля), а таксама двух кірмашоў (вясной і восенню).
1757 г., 27 верасня – Кароль Рэчы Паспалітай Аўгуст ІІІ даў прывілей Маладэчна на чатырохтыднёвы кірмаш адзін раз у год.
1793 г. – Маладэчаншчына ўвайшла ў склад Расійскай імперыі паводле 2-га падзелу Рэчы Паспалітай.
1794 г. – У час паўстання Тадэвуша Касцюшкі на Малдэчанскай зямлі дзейнічаў атрад Міхаіла Агінскага.
1796 – 1855 гг. – Жыццё і дзейнасць паэта і навукоўца Тамаша Зана (нарадзіўся ў в. Мясата).
1811 г. – нарадзіўся Аляксандр Тышынскі – прафесар Кракаўскай акадэміі навук, жыў у в. Мясата.
1812 г., лета – Французская армія заняла Маладэчаншчыну.
1815 г. – Нарадзілася пісьменніца і культурны дзеяч Габрыэля Адамаўна Пузына, якая доўгі час жыла ў в. Гарадзілава. Садзейнічала А. Кіркору ў правядзенні археалагічных раскопак курганоў.
1821 – 83 гг. – Жыццё і дзейнасць літаратара Юр’яна Гарайна (нарадзіўся ў Радашковічах).
1863 г. – На Маладэчаншчыне дзейнічаў атрад паўстанцаў пад кіраўніцтвам Юльяна Бакшанскага і атрад Вінцэнта Козела.
1864 г. – У Маладэчне адкрыта настаўніцкая семінарыя.
1873 г., 14 студзеня – Пачала дзейнічаць Ландварава-Роменская чыгунка, якая прайшла праз Маладэчна.
1888 г. – У в. Яхімоўшчына заснаваны бровар.
1898 г. – Адкрыта кардонная фабрыка “Раёўка”
1903 г. – У Радашковічах жыў Янка Купала.
1905 г. – У Маладэчне, Лебедзеве і іншых месцах адбыліся забастоўкі.
1905 – 06 гг. – У Яхімоўшчыне на бровары працаваў Янка Купала.
1907 г. – Уступіла ў дзеянне чыгунка Маладэчна – Ліда, Маладэчна – Круляўшчызна.
1911 г. – У Ракуцёўшчыне два летнія месяцы жыў Максім Багдановіч.
1915 г., 9 верасня – Горад Маладэчна быў акупіраваны кайзераўскім войскамі і апынуўся ў прыфрантавой паласе.
1917 г., сакавік – У Маладэчне ўтвораны адзін з першых Светаў салдацкіх дэпутатаў.
7 – 11 лістапада (стары стыль) – У Маладэчне адбыўся з’езд Ваенна-рэвалюцыйнага камітэта 10-й арміі Заходняга фронту. Пасля ўстанаўлення Савецкай улады кіраўніцтва ў Маладэчне перайшло ў рукі мясцовага камітэта бальшавікоў, сакратаром якога быў абраны В.Ф.Шаранговіч.
1917 г., канец лістапада – пачатак снежня – Створаны Савет рабочых, сялянскіх і салдацкіх дэпутатаў.
4 снежня – Заключаны дагавор аб перамір’і на Заходнім фронце.
6 снежня – Арганізаваны Часовы выканаўчы камітэт Савета салдацкіх і сялянскіх дэпутатаў Маладэчанскага гарнізона.
1918 г., 8 лютага – Маладэчна захапілі нямецкія войскі.
18 снежня – Маладэчна занялі часці Чырвонай Арміі.
1919 г., студзень – Маладэчанскі ваенны Савет быў расфарміраваны, замест яго створаны валасны камітэт.
Сакавік – Прайшоў 1-шы павятовы з’езд настаўнікаў.
Ліпень – Маладэчна акупіравалі польскія войскі.
1920 г., ліпень – Маладэчна вызвалена ад польскай акупацыі.
1921 г., 18 сакавіка – Паводле Рыжскага дагавора землі Заходняй Беларусі засталіся пад Польшчай.
1921 г., ліпень – На Маладэчаншчыне створана адна з першых арганізацый Таварыства беларускай школы.
1922 г. – адкрыта Радашковіцкая гімназія.
1924 г. – Створаны Маладэчанскі падпольны райком КПЗБ (падпарадкоўваўся Віленскаму акружному камітэту).
1925 г. – Утвораны Маладэчанскі падпольны райком КСМЗБ.
1926 г. – Утвораны Маладэчанскі павятовы камітэт Беларускай сялянска-работніцкай грамады (БСРГ)
1939 г. – Уз’яднанне Заходняй Беларусі з БССР.
1940 г., 15 студзеня – Маладэчанскі раён увайшоў у склад Вілейскай вобласці.
Верасень – у Маладэчне адкрылас педагагічнае вучылішча імя Янкі Купалы.
1941 г., 26 чэрвеня – Маладэчна акупіравалі нямецкія войскі. Пад Радашковічамі здзейсніў першы ў Вялікую Айчынную вайну паветраны таран экіпаж Мікалая Гастэлы.
1944 г., 5 ліпеня – Маладэчна вызвалена ад нямецка-фашысцкай акупацыі.
1944 – 60 гг. – Маладэчна – цэнтр Маладэчанскай вобласці.
1947 г. – У Маладэчне адкрыты настаўніцкі інстытут.
1958 г. – У Маладэчне адкрыта музычнае вучылішча.
1959 г. – У Маладэчне адкрыты ўлікова-планавы тэхнікум.
1960 г. – У сувязі са скасаваннем Маладэчанскай вобласці горад Маладэчна разам з раёнам уключаны ў склад Мінскай вобласці.
1960 г. – У Маладэчне адкрыты палітэхнікум.
1966 г., 30 лістапада – На чыгуначнай лініі Маладэчна – Мінск адкрыты рэгулярны рух электрацягнікоў.
1972 г. – У в. Вязынка адкрыты Купалаўскі запаведнік.
1989 г. – У Маладэчне адкрыта медыцынскае вучылішча.
1990 г., чэрвень – У Маладэчне створаны дзіцячы абласны тэатр лялек “Батлейка”.
1990 г. – У Ракуцёўшчыне адкрыты Філіал дзяржаўнага музея Максіма Багдановіча.
1991 г., студзень – У Маладэчне адкрыты Мінскі абласны драматычны тэатр.
1993 г. – У Маладэчне праведзены першы Рэспубліканскі фестываль беларускай песні і паэзіі.
2001 г., май – У Яхімоўшчыне адкрыты філіял Літаратурнага музея Янкі Купалы.
Пакінуць каментар
If you would like to make a comment, please fill out the form below.
You must be logged in to post a comment.