Фальшыўкі ў Маладэчна

Чэрвень 30, 2008, Паводле “Рэгіянальнай газеты”

На мінулым тыдні за адзін дзень у горадзе зарэгістраваныя дзьве спробы абмяняць фальшывыя даляры на рублі. У пятніцу ў абменны пункт “Белзнешэканомбанка” па вуліцы Віленскай для абмену была прад’яўленая 50-даляравая купюра, зробленая з 5-даляравай. Гаспадар грошай патлумачыў, што знайшоў іх на вуліцы. У той жа дзень у абменным пункце “Белпрамбудбанка” на вуліцы Партызанскай жыхар горада спрабаваў абмяняць 100-даляравую купюру, зробленую з дапамогай кампутарнай тэхнікі. Па закону, за выраб, захоўваньне альбо збыт падробных грошай можна атрымаць ад двух да сямі гадоў пазбаўленьня волі з канфіскацыяй ці без канфіскацыі маёмасьці.

Новыя справы па хабарніцтве

Чэрвень 30, 2008, Паводле “Рэгіянальнай газеты”

На спартыўнай базе “Вілія” затрыманыя дырэктарка, начальніца аддзела будаўніцтва і галоўны энэргетык базы. Яны падазруюцца ў вымаганьні і атрыманьні хабару ад галоўнага інжынэра лідзкага прадпрыемства “Прамтэхсэрвіс”.

У праваахоўных органаў ёсьць доказы таго, што гэтыя службовыя асобы атрымалі хабар у памеры 9 мільёнаў рублёў за станоўчае вырашэньне пытаньня аб падпісаньні акту выкананых работ на аб’екце “Мадэрнізацыя кацельні ВСБ “Вілія”. Пракуратура Мінскай вобласьці ўзбудзіла крымінальныя справы.

САДЫ САРЫЧАВА

Чэрвень 27, 2008, Ян Лагвіновіч

Маладэчанскія фэрмэры Вадзім Януш ды Ігар Ветлаў пераехалі на Магілеўшчыну, піша “Беларуская ніва”. Займаюцца яны садаводствам. Памеры бізнэсу не маленькія – пад справу выдзелена 100 га, у бліжэйшыя гады плянуецца апрацаваць яшчэ 200 га.

 >>

Зьмена выбарчай акругі ў Маладэчна

Чэрвень 27, 2008, Паводле “Маладзечанскай газеты”

“Пастановай ЦВК РБ ад 25 чэрвеня вызначаныя выбарчыя акругі, на кожнай з якой ўвосені будуць абраныя па адным дэпутаце Палаты прадстаўнікоў Нацыянальнага сходу (ПП НС).

У Маладэчна выбарчая акруга зьмененая. У адрозьненьне ад мінулых выбараў, Залінейны раён гораду аднесены да сельскай акругі, у якую ўваходзяць таксама жыхары Маладэчанскага раёну і часткі Валожынскага.

Колькасьць выбаршчыкаў па зьмененай гарадзкой акрузе – 65586 чал.

Ягор Дзмітрачэнка – абсалютны чэмпіён

Чэрвень 27, 2008, Паводле “Маладзечанскай газеты”

Усяго толькі тры ўдзельнікі 27-га рэспубліканскага турыстычнага пешаходнага марафону змаглі за суткі пераадолець дыстанцыю ў 100 кіламетраў. І сярод іх – капітан каманды маладэчанскага турклуба “Пілігрым” Ягор Дзмітрачэнка.

 >>

Молодэчна, Вилен. Губ.

Чэрвень 26, 2008, Наша Нива №22, 8 (21) юня 1907 г.

Ўжо даўно ў молодэчненскай вучыцельскай сэминарыи устанавиўся таки звычай, што ўсе письма да вучэникоў праходзили праз руки дырэктора, каторы чытаў гэтые письма. Тады вучэники пастанавили збавицца ад такой апеки. Дзела цягнулося доўга, и тольки недаўна вучэники молодэчненской сэминарыи дабилися таки права палучаць письма без помачы дырэктара.

СЭКС У ШКОЛЕ

Чэрвень 26, 2008, Ян Лагвіновіч

Некалькі гадоў таму студэнты-практыканты мэдычнага ўнівэрсітэту ладзілі ў Маладэчна апытаньне на тэму сэксуальнага жыцьця моладзі. Мяркую, вынікі працы будуць паказальнымі і зараз. Прывяду некаторыя лічбы. Апытаньне ладзілася сярод 153 вучаніц 10-11 класаў.

 >>

Не пашанцавала

Чэрвень 26, 2008, Ян Лагвіновіч

Агучаны прысуд у справе Анатоля Згрунда. Былы галоўны архітэктар Маладэчна за хабарніцтва пакараны дзесяцьцю гадамі пазбаўленьня волі з канфіскацыяй асабістай маёмасьці.

Праца беларускіх чыноўнікаў мае шмат агульнага зь лятарэяй. Ня гледзячы на ўсе знаёмствы і “падстрахоўкі”, ад увагі праваахоўных органаў не застрахаваны ніхто.

Камэнтар: Шкада, што ўсе сур’ёзныя крымінальныя справы ўзьнікаюць па выніках намэнклятурных гульняў альбо палітычнай мэтазгоднасьці.

М. Лебедзево, Вилейскаго павету.

Чэрвень 25, 2008, "Наша Нива" №22, Вильня 8 (21) юня 1907 г.

У вярсьце ад нашаго мястэчка цячэ невяличкая рэчка праз маёнтак пана Саковича. Даўно ўжо ў народзе ходзяць слухи, бытцам ў той рэчцы кались зьявиўся цудоўны Пан Езус. З году ў год на каталицкае сьвята “Сэрца Пана Езуса” каля гэтаго цуду збираюцца тысячы простаго народу. Тамака людзи моляцца, мыюцца вадой с тае рэчки, ды нясуць ў касьцёл афяры: грошы, шмат яец, лёну, воўны и иншаго дабра.  >>

ЗАЎСЁДЫ “ЗА”

Чэрвень 25, 2008, Ян Лагвіновіч

Нядаўна менскі абласны савет зацьвердзіў перадачу 116,75 гэктараў зямельных надзелаў Смалявіцкага раёну ў склад Менску. Перад тым згоду на перадачу даў смалявіцкі райсавет. У выніку будучыя падаткі авіярамонтнага завода, будаўніцтва якога пачынаецца на перададзеных землях, пойдуць у бюджэт Менску.

 >>

Наступная старонка »